“Ami nia vokasaun misionária hetan ninia vitalidade husi fiar iha Maromak Santíssima Trindade ne’ebé horik iha ita no iha ema hotu nia fuan… Nia hakonu ita-nia fuan ho Maromak nia domin, transforma ita-nia an no tama klean iha ita nia orasaun no asaun. Nia halo ita bele fo an ba Nai no forma ita ho identidade komunidade nebe uniku interkultural – internasional. Iha uniaun íntima ho Na’i, ita saran-an iha misaun kontinua St, Arnoldus Janssen no Gerasaun Fundadores sira nia mehi. Ita mai husi Nasaun no lian oioin, ita sai sinál moris unidade iha diversidade Creda nian”. Prologue SSpS.
Nuudar manu-ain Maromak nian, ami sempre prontu atu haklaken Maromak nia domin iha fatin nebe Maromak nia Liafuan seidauk haklaken ba, liu-liu iha fatin nebe Creda local seidauk iha kondisaun atu bele moris rasik. Ho simplesidade Madre ida-idak prontu nafatin atu haruka ba nebe deit, maske tenke husik nia lian maternal, nia Nasaun no nia ambiente cultura rasik. Nakloke atu adapta-an, tama ba realidade sarani sira nian no hela ho sira, rona sira nia halerik/sira nia difikuldade sira, liu-liu presensia hamotuk ho sira, han ho hemu buat nebe sira oferese mai ami.
Ami nia Misaun primeiru mak haklaken Liafuan diak liu husi lia fuan no sasin moris. Masque nafatin fiel ba Misaun Tradisional iha area Edukasaun, Saude, Sosial no Pastoral, maibe ami mos sempre prontu nakloke nafatin ba dalan foun hodi responde ba nesesidade Creda no Mundu ohin loron iha fatin nebe deit wainhira precisa. Ami nudar Kongregasaun Misionaria atan ba Espiritu Santu nebe haklekar iha Mundu tomak iha Kontinente lima nia laran ami senti haksolok bele hatutan Nai Jesus nia Misaun iha Mundu ida ne’e liu-liu iha fatin rurais nebe Misionariu/a sira seluk seidauk ba.
Ida-ne’e mak etapa inisiál iha-ne’ebé ita-boot hahú koñese besik liután komunidade Madre sira. Ida-ne’e maka períodu tranzisaun ida hosi vida leigu nian ba vida monástiku. Foka ba dezenvolve maturidade pesoál, vida orasaun, no introdusaun ida ba espiritualidade kongregasaun nian.
Primeiru Ano (Kanóniku): Foku tomak ba vida espirituál, orasaun, silénsiu, no aprofunda Konstituisaun sira SSpS nian la hó apostoladu externu.Tinan Daruak: Hahú prátika servisu/misaun prátika iha terrenu hodi koko prontidaun atu sai misionária..
Irmana nebe prontu sei halo sira nia Votus Dahuluk (Kastidade, Pobreza, no Obediénsia). Iha faze ida-ne’e, ita bolu “Irmán” no haruka ba misaun ruma (ezemplu: estuda, hanorin, tau matan ba ema moras sira, ka misaun sira iha rai-li’ur). Votu sira renova tinan-tinan to’o ba dala 9.
Ami Misionaria atan ba Espirito Santu, nudar manu ain Maromak nian hodi servi iha misaun. Atu Santissima Trindade horik iha ita fuan no iha ema hotu nia fuan.
Liu husi Clinica Maliana, Darabai no Bedois-Dili. Inklui mos taratamento ba malu sira nebe moras lepra, Tuberculose no HIV/AIDS.
Ami nia misaun primeiro mak haklaken Liafuan diak liu husi lia fuan no sasin moris. Masque fiel nafatin ba misaun tradicional edukasaun, saude, social no pastoral; ami nakloke nafatin ba dalan foun atu responde ba nesesidade Creda no Mundu ohin loron iha nebe precisa ami atu serbi.
Hahu husi inisiu presensia iha Timor Leste SSpS hamutuk ho povu nebe moris iha situasaun funu nia laran no halao misaun Katekese, Pastoral Social no edukasaun.
Edukasaun hanesan dalan ida ba naroman no chave ba moris diak. Husi Tinan 1975 SSpS hala’o misaun edusaun formal no non formal. Hahu tinan 2013 SSpS hakarak investe maximo iha edusaun hahu ho Jardin Infantil iha Atabae. Professores hamutuk ho madre sira kolabora ho estudantes no inan aman sira hodi tulun iha processu edukasional ne’ebe fornese edukasaun ba vida humana iha parte intelektual, moral, spiritual, karakter no talentus. Total estudantes 217 kompostu husi Ensino básico 1, 2 no 3 ciclo ho ensino Pré-Escolar total 50,Profesores na’in 10 Madre na’in 5, Madre na’in 2 responsabel iha kantina.
Parte social, fo formasaun no tau matan ba sira nebe labele kontinua sira nia estudu liu-liu feto oan sira tamba hasoru difikuldade ekonomia, Aman Inan nia forsa lato’o atu sustenta sira nia nesesidade hodi bele kontinua sira nia estudu, balu tamba oan kiak, balu tamba Aman Inan fahe malu. Ajuda sira nebe kbit laek, katuas no ferik no mos feto faluk sira. Vtsita familia Kristaun sira husi um aba uma, halo orasaun ho sira, kria grupu Familia Espiritu Santu (FSS) nudar Familia Arnoldina, kria Komunidade Base, akompanha labarik sira, fo formasaunn ba sira nebe atu simu sakramentu Kaben, atu sarani bebe nsst. Fatin Misaun ida seluk mak iha Uma Mahon Salele ba maluk sira nebe precisa fatin seguru durante prosesu justiça.
Celebra Solenidade Corpus Christi significa fó memória solene ba Jesus nia entrega nia isin no nia Ran rasik ba Igreja nia moris. Além de ne’e, significa mós ita nia compromisso atu lori boa-nova ne’e ba Read more
Papa Francisco chama nafatin ita nu’udar seguidores Cristo nian hodi dehan: “Igreja tenke sai ba iha dalan ou encontro do alem, Igreja em saida”. Maibé atu sai ba ne’ebé, se ita nia fuan rasik maran? Read more
Sharing Hamutuk Ho Magistra Junior Me. Rafaelis Tapaoona,SSpS. Hariku malu liu husi fahe esperinsia ba malu , tuir ida idak ninia knar ne’ebe Kongregasaun fo fiar . Liu husi sharing ida ne’e halo ami haklean Read more
“Ami nia vocação misionária hetan ninia vitalidade husi fiar iha Maromak Santíssima Trindade ne’ebé horik iha ita no iha ema hotu nia fuan… Nia hakonu ita-nia fuan ho Maromak nia domin, transforma ita-nia an no Read more